Muqdisho,(insidesomalia.org)-Wasiirka Difaacda ee Dowladda Federaalka KMG ah ee Soomaaliya Muxidiin Maxamed xaaji oo maanta shir jaraa,id ku qabtay Magaalada Muqdisho ayaa sheegay in ay jiraan qorsheyaal ay wado Dowladda oo ay wax kaga qabaneyso burcad badeedka dhibatooyinka ugeysta marakiibta shisheeye ee Soomaalia gargaarka uwado.

Muxudiin Maxmed Xaaji waxaa uu xusay in ay jiraan kooxo si qarsoodi ah uga shaqeeyo magaalooyinka waweyn ee Soomaaliya oo sirta ugudbiyo Burcad Badeedka si ay ugu fududeeyan howlaha dhicitaabka iyo qafaalashada Marakiibta.

Waxaa uu hoosta ka xariiqay in ay daba gal ku hayaan kooxaha burcad badeedka,isaga oo intaasi ku daray in ay soo tagi doonan maxkamada.

Muxdiin Maxamed Xaaji ayaa u mhad celiyey Dowladda Canada oo Lixdi Bishaan shaaca ka qaaday in ay Soomaalia usoo dirtay xeebaheeda Markab dagaal kaas oo gacan ka geysan doono ilaalinta Maraakiibta cunada gargaaka ee Hey,ada WFP.

Wasiirkaan oo ka mid ahaa magacyada ila iyo 11 wasiir oo ku dhawaqay in ay iska casileen xilka Golaha wasiirada Xukumada R,isulwasare Nur Cade ayaa beeniyey in uu iska casilay xilkiisa.

“Anigu ma jirto wax is casilaad ah oo aan gudbiyey,warkaasina waa been abuur la iga sameeyey,kuma jirin aniga dadki qoraalada saxiixan u gudbiyey Ra,isulwasaaraha sidaasi daradeed aniga waxaan wali ahay Wasiirka Gaashaandhiga.” Ayuu yiri Muxudiin Maxamed Xaaji.

Waa marki ugu horeeysay oo ay si rasmi ah uga hadasho wasaaraha gaashaan dhiga ee Dowlaada arimaha burcad badeedk dhibaatada ku heyso xeebaha Soomaalia.